حدث في مدرسة العهد الزاهر.. البنات ينظفون بالكاز... تخيلوا.. [الأرشيف]

View Full Version : حدث في مدرسة العهد الزاهر.. البنات ينظفون بالكاز... تخيلوا..

نقاء النفس

11-10-2006, 14:28

هذا ما حدث فعلا...
اختي حدث لها ذلك .. نظفوا الجدران و الطاولات وأصبحت رائحة الصفوف غير محتملة والبعض خسر المريول ..والبعض اقترب من الإغماء و ربما أدى إلى الاختناق..
فمن المسؤوول؟

ومن المحاسب عن هذه المهازل التي تحصل لأبنائنا و بناتنا؟؟

نقاء النفس

11-10-2006, 14:29

اللي مشترك في منتديات ثانية ينشره لو سمحتون..

لـَحَنْ

11-10-2006, 18:39

بسم الله الرحمن الرحيم ،،

أشكركِ أُختاه للنشر المبكر " سبقتيني ^_^ " ..

أولاً المسؤول عن هذهِ المهزلة هي مديرتنا الجديدة ..!

السالفة :

جت معلمة ف ونقلت الخبر ، قالت : نظفوا طاولاتكم لأن المديرة بتفتش على الطاولات وأي طاولة فيها بلانكو وخرابيط تنظفونها والمادة اللي تنظف عند المشرفة >> لم تذكر أسم المادة ..

رحنا للمشرفة قالت لنا روحوا لمشرفة التوحيد ورحنا لها وعطتنا كلاصااات :uio: >> موفرين كلاصات بعد .....
وسألنها عن المادة شسمها وقالت " تـــــــــنر " ..

أنصدمت ، ومع ذلك صبينا لنا وفي اثناء الصب صديقتي العجيبة كتت على إيدي التنر واني خفت:bruce_h4h وفلت الكلاص من إيدي وركيض الحمام غسلتها وصارت سالفة ويه المعلمات ............. ، بعدين رحنا الصف ونظفنا الطاولات " طاولتي نظيفة فيها أوساخ سابقة سابقة مال اللعام " ، فاحت الريحة في الصف والعيون تدمع والحلق يسعل وبالغصب تحملنا حصتين والحصة السابعة نزلنا تحت في الهواء الطلق ..

رجعت البيت ريحة إيدي كلها تنر " مع اني غسلتها وحطيت عليها كريم " وحرقتني بعد مع ان المشرفة قالت ما تحرق ..

اللحين ليش هم يسوون لنا هالسوايا ؟!

أول شيء منعوا حقوق الطالبة في التكشخ " الشيلة ذات الفولك حتى ولو كان خفيف ممنوع ، الأحذية ذات الألوان العجيبة بعد ممنوعة " ..!

الله يرحم أيامش يا مديرتنا السابقة ..

قلنا شدوا الحبل على البنات عاد مو لهدرجة ....!

شكلنا في النهاية بنطلع مظاهرات :bruce_h4h .....!

11 أكتوبر 2006 يوم الأربعاء ..

تحيتي ..

نقاء النفس

11-10-2006, 19:06

يعني انتي طالبة هناك ها؟؟

الله يساعدكم على التنظيف ..

وعلى ها القرارات..

البراءة

11-10-2006, 19:37

يعني صدق المدرسات يطالبون انظف الطاولات عاد مو بكز وهرار ..

مجانين دلين عفر

الله يساعدكم

الحوراء الانسيه

12-10-2006, 00:38

سونامي

12-10-2006, 12:24

اولا ..
عين سوعاال ..
مدرستكم ويش إسمها ؟؟

فلهذا .. لازم يكون عهدكم زاهر !! :tongueii:
//

توه واصلني خبر من مديرتكم الجديدة
تقول : سوف يتم بناء حمامات في ساحة المدرسة ومحتاجين لبنائين ومساحين وصباغين :11ughboun

يعني برزو روحكم يابنات !!! وكل وحدة تشتري ليها ( افرول ) وقفاز !! :rui1:

//

رمضان كريم ..
الخبز التاوه لمحلى إللي على بيض ..
أحسن من الكورن فليكس إللي على شكر !! :hui:

البراءة

12-10-2006, 13:19

Jr7 El3mr

12-10-2006, 15:48

السلام عليكم ورحمه الله وبركاته ..

اي والله صدقتين خيو الله يساعدنا ويساعد الجميع .. :weeping:

الله يسلمكم فعلا هالشي صار .. عاد احنا صفنا يعني شوي شياطين فلما جت وقالت لنا هالكلام قلنا اوكي ننظف ننظف رحنا اخذنا المادة على قولتها وطبعا هي ما قالت لينا اسم المادة مثل ما قالت اختي شمس الحسين لا وفوق هذا بعد تقول ليناترى اللي نجوف طاولتها ويخة بنتخذ عليها اجراء وعاد كيفكم انتون .. المهم رحنا جبنا الماده والحمدلله ما انكتت على احد ولا شي لكن من دخلناها الصف ومجرد ان بنية وحده بس اشتغلت على طاولتها بهالماده على قولتها احنا اختنقنا من الريحة صراحة لا وكل شي بعد كان مسكوك الدرايش والباب فالبنات كلهم قاموا يقولون طلعوها اختنقنا واللي عيونها دمعّت والعفسة قامت .. فطلعتها بنية وما ادري وين ودتها جت المشرفة اللي قالت لينا ننظف الا تقول وين الشغل ما اجوفكم سويتون شي وما تسوى عليها عاد قالت جذي والكل هاج عليها جه احنا شنو ننظف مو احنا اللي موسخين جيبوا لينا طاولات جدد ومادري ويش واحنا ما بننظف وشنو بتسوون يعني بتعاقبون صفنا كامل اوكي عاقبوه ما بنهتم فهزت راسها المشرفة وطلعت وهي تقول حشى كأنكم (( الله يعز السامع والقاري )) "جلاب" >>> بصراحة عقب هالكلمة اني انقهرت وقلت في قلبي صدق قليلة ادب :weh: .. وين التربية اللي قبل التعليم اذا المشرفة تقول حق الطالبات "جلاب" .. :wej: :wer:

أما على الشالات اني بصراحة ما بعترض على هالشي لأني بنفسي احس ان البنات واجد مصخوها يعني تجي اليش وحده لابسة اخضر فلاش الشال والمريول مالها ازرق اصلا ما يناسب وش هالحاله ولا تلبس اليش شال كله فولك يلمع من بعيد ولو زين لابستنة عدل الا خلقتها مادري جيفة والتراكي تبرق وتلمع بعد من بعيد والفولك فيها مليان تقولين رايحة حفلة .. يعني صراحة ما تسوى هالحالة هم رايحين مدرسة مو عرس .. :-[

كأني طولت له :doh: :uio:

**فدك**

13-10-2006, 07:28

بـــــل

الله يساعدكم

امله احنه نخليهم يخلونه نسوي جدي !!

اصلا جيف يخلونكم تستخدمون هالمواد وفي شهر صيام ؟!

تبووولة

13-10-2006, 12:45

(O)

اي هذا الي صاار بضبط

كانت عندنا حصة ارشاد ..

و جت لينا بنيه و فإيدها قلاص و خلقه

و قالت لينا هذا من عند المشرفه تقول ليكم نضفو فيه الطاولات و الجدران

و عطوا الأغراض بنتيه إلا تقول لينا مرشدتنا يالله قومو نظفو المشرفه جايه ليكم هاذي الماده

إلا البناات قعدو يقولون ماده ويش .. هذاا غااز :weh:

و في بنيه عندنا فيها الضيقه .. اختنقت و طلعت انسدحت بره الصف :koo:

المعلمه عطته صديقتي و قالت ليها نضفي و قالت لينا خذو كلينس وخلو فيها ذي الماده و نضفو الجدران ..

اني اخذت كلينس و حطيت هذا الشي فيه و قعدت انضف

شفت اشياء سحريه :dew:

قامت الأشياء تطير :dew:

يعني بمجرد هاذي الماده تصيدها :wes:

بعدين شفنا كل البنات حاقرين و لا احد جاي ينضف وياي اني و رفيقتي

قطينا الأشياء في الخمام خخخ انشاء الله حترق قولوا آمين :rui1:

و رحنا قعدنا

عسااااااااههم ررررررريح قولوا آمين

بس لا واجد تكلمت مو حلاوه هييي :weh:

يالله منااك كلكم :weh:

see u
peace

لـَحَنْ

13-10-2006, 14:03

:weh: يتطنز علينا سونامي ..!

أصلاً بدون ما تقول لك المديرة عن الحمامات مدري ويش ،، هم أوردي مسوين مشروع لصباغة الممرات ومن تهوى هواية الصباغة تشارك عند معلمة فلانة ..!

تخيلوووا ..!

البراءة :: براويش هاا .. تتطنزين هااا ..:wes: لكن الله كريم ..

اووووه :uio:

بنات السكول هني ..

شحوالكم : الحوراء الأنسية وعاشقة الورود وتبولة بعددد :hui:؟!..

فدك :: :rew: بتطلعين ويانا مظاهرات ؟!

:wep: ..

تحيتي ..

عاشقة البنفسج

13-10-2006, 14:14

هههههههههههههه احمدوربكم جت على جذي

احنا اللعام رشو فليت ريحته خنقه من الدرجات الاولى
حشى مو فليت تييزاااب

رحنا المدرسه والصفوف كلهم خنقه
اي وحده ما استحملت اغمى علي
و وشكثر بنات غيري طاحو

كلا من الضيجه
وتمو لسبوعين واهم مو قادرين يقومون الريحه في خشمهم ماتروح

يعني على الاقل حطو هالتيزاب يوم الاربعا بعد الدوام عشان لخميس وجمعه تروح الريحه!

أم-المنتظر

13-10-2006, 14:49

اللهم صل على محمد وال محمد

كم شهر منذ ان فتحت المدرسة لحد الان ؟؟
ألم يتم الاشراف على نظافة طاولات وجدران المدرسة الى هذه الايام في هذا الشهر الفضيل ؟؟

وعملية التنظيف كنا نقوم بها نحن الطالبات ،، عملية تنظيف الصف الذي نتواجد فيه .. كتنظيف الطاولات والكراسي وجدران الصف بالماء والصابون ،، وتنظيف السبورة أيضاً هي من مهماتنا التطوعية في الصف !!

وليس إجباراً على الطالبات ان يقوموا بهذا العمل ....

فكيف يتم استخدام مادة خانقة نوعاً ما .. للتنظيف وهل لهذه الدرجة الطاولات والمدرسة بهذه القذارة !!
قد يكون توكيل المهمة للطالبات -تنظيف وصباغة- هي لتخفيض ميزانية المدرسة ووزارة التربية والتعليم .. تعلمون الان عمليات الصيانة والتنظيف تاخذ مبالغ كبيرة .. فهذا يخفض عملية الرسوم ،، فالوزارة لا تستطيع ان تدفع رسوم عمالة خارجية .. فالطالبات اولى بان يقوموا بهذه العملية ..
فالوزارة والمدرسة توفر المواد الخام ... والطالبات يقومون بالمهمة ،، والمدرسات يشرفون على العملية ..... !!

ففي هذه الحالة ،، يخرجون لنا من فئة الاناث مجموعة تنافس فئة الذكور ،، عاملات نظافة وصباغة ويمكن بعد فترة سمكرة :wes:
ففي كل سنة لائحه المتفوقين يكون للاناث نصيب الاسد فيهااا !!
فهذه قد تكون منهج جديد وزارة التربية تريد تطبيقه بالتعاون مع وزارة العمل ،، للتقليل من البطالة ... وهو بتدريب الفتيات من الان على النظافة والصباغة في المدارس فيخرجونهم من الثانوية جاهزون ما يحتاج بعد تدريب ليهم وارهاق ميزانية الدولة اكثر ....

شوووكرررا
أختكم
درووب
:wep:

الدمعة الوحيدة

13-10-2006, 23:06

وحدة بس في صفنا الي قامت تنظف .. المديرة هالسنة فاشلة ولا يركب عليها هالمقام لأنها اقل منه بواجد , وينش يامديرتنا الأولية

الحوراء الانسيه

16-10-2006, 13:28

المدير فاشله او ما تعرف ادير مدرسه
حتى الشيلات الي فيهم
نقش خفيفه بلون الاسود ممنوعه
اتقول الي بتلبسها بتخذها من عندها او بخليها ترجع البيت بدون شيلا

تحاتي الحورا ءالانسيه

نقـاءْ

16-10-2006, 16:15

:uio:

تصدقون و لا أدري بهالسالفة >> خبر خيييييير :Shutup:
بالنسبة لنا و صفنا بالتحديد، ما جابوا لنا هالتنر مدري هالغاز، لكن قالت لنا المرشدة نظفوا بالماي و الصابون.. بس ما استغرب سالفة التنظيف بالغاز على سياسات المديرة الجديدة :rew:
مدرستنا ما يبي لهم الا أسلوب الحقران.. :tongueii:>> بغير هالأسلوب ما يجون :rui1:
ايه و الله غاااز.. وين قاعدين احناااا.. يرحم أيامها المديرة القبلية.. ما فيه منها مو مالت السنة بتعقدنييييي بتجننيييي ويا قوانينها الخرندعية :weh:

سلااااااااامكم يا بنات العهد الزاهر :rui1:

صمت!

17-10-2006, 19:42

تنر = كاز

هذا اذا اليد بها جرح ويوضع التنر عليها يعني حراره شديده.

الملكة بلقيس

27-10-2006, 18:09

شكراً لكي اختي على نشر الخبر
اني من الي في المدرسه العهد الزاهر
مو بس جدي
يبون البنات يصبغون الصفوف الان اتلمدرسه قذره

فهل هذا شي عدل
هل احنا لنا ذنب في هذي الشي احنا ما وسخنا
المدرسه
او بعدي ن المفروض انه الوزارة توفر صباغين للمدرسه مو الطاليان اهم الي ينضفون او يصبغون

تحياتي الحورا ءالانسيه

يوم اني في المدرسة
كل صف في توجيهي جمع فلوس وصبغنا الصف (( صنادق عاد))
بس محد طلب منا وغصب علينا، احنا قلنا بنسوي جدي عشان مسابقة افضل صفي في العيد الوطني
وفـــاز صفي >>> لأني فيه<<<:hui: :hui:

وبعدين الصفوف الباقي كلهم قلدوا:hotmad: بس ما طلع حلاوة صفنا >>:-[ <<

الله يساعدكم على ما ابتلاكم

دمتــم سالمين
الملكة بلقيس

بحرانيه صعبه

11-11-2006, 12:21

مساكين ليش عاد,احمد ربي اني مو في العهد الزاهر
الله يغربلهم