View Full Version : طلبة المحاسبة... أرجوا الدخول
العدل السماوي
16-01-2005, 18:27
السلام عليكم
انا طالب جديد في هذا التخصص التجاري لانني علمي وللأسف ما عندي معلومات عنه
وعندي جم سؤال الرجاء احد يرد علينه :
عدد المقررات والساعات ؟
أسهل وأصعب ثمان مقررات (تخصصية)؟
نبذة مختصرة عن بعض المقررات المميزة والمهمة ؟
أفضل وأسوأ دكاترة المحاسبة ؟
الوظائف الشاغرة لهذا التخصص؟
وشكرا
الملكة بلقيس
16-01-2005, 21:20
مرحبا اخوي
اني طالبة محاسبة لكن للحين جديدة فيه
على العموم ما اقدر اقول لك الا شي واحد
وهو ان المحاسبة مجال مطلوب حاليا وبشكل كبير ايضا
ولا تخاف اذا كنت علمي
لأن أصلا ما يفلحون فيه الا (العلميون)!!!!!!
اي صح نسيت اقول لك:
اسوأ دكتور>>>>>>>> اياد احمد<<<<<<<<<<<<
وبالتوفيق يارب
**الملكة بلقيس**
العدل السماوي
17-01-2005, 14:39
شكرا جزيلا اختي على الرد
سؤال : هالدكتور ويش يدرس وليش موزين ؟:wem:
كارلوس المنتدى
17-01-2005, 20:06
ماشفت ابخ من هالموضع
:as: :as:
هههههههههههههه
:user:
الملكة بلقيس
17-01-2005, 20:34
العدل السماوي:
هذا دكتور محاسبة
ومو زين لأنه مشغلينه كاتب مو دكتور
سيده يشحن السبورة هرار والطلاب مفهيين
كارلوس المنتدى: ما عليه
بساذا مو عاجبنك الموضوع لا ترد عليه
اوكي؟
**الملكة بلقيس**
العدل السماوي
18-01-2005, 09:27
كاتب الرسالة الأصلية : كارلوس المنتدى
ماشفت ابخ من هالموضع
:as: :as:
هههههههههههههه
:user:
ابو الشباب اذا مو عاجبنك الموضوع لا تدخل عصك في شي ما يخصك :BIGGRIN1:
عندك الطرفة والمرح ياكبيرنا روح هر فيه لين تشبغ
عدد المقررات والساعات ؟
42 مقرر فتكون 126 ساعة ( 3 ساعات لكل مقرر ) لنيل شهادة الباكلوريوس
22 مقرر للدبلوم ويجب أن تجتازة بمعدل لا يقل عن 2.50 .. وبعد ذلك تكمل البي اس ( الباكلوريوس ) وفيه 20 مقرر
أسهل وأصعب ثمان مقررات (تخصصية)؟
المقررات التخصصية كلها أكاونت ,, المقرر الأول والثاني للأكاونت من اسهل المقررات وهم : ACC112& Acc113 والثاني اصعب شوي
نبذة مختصرة عن بعض المقررات المميزة والمهمة ؟
أمممم .. تقريبا المقررات مترابطة ببعضها
أفضل وأسوأ دكاترة المحاسبة ؟
في دكتور اسمه علاء الجهماني .. مو ذاكرة الاسم عدل .. بس هذا دكتور واجد زين
على فكرة ما في دكاترة زينه الدكاترة الزينيين ينعدون على الأصابع :wes:
دكتور أشرف نقيب الله ورضوان طاهر .. يدسون إيكونوميك ... وخوش دكاترة :yelclap:
الوظائف الشاغرة لهذا التخصص؟
التخصص هذا جداً مطلوب ,, تقدر تكون مدرس في المدارس التجارية .. ومطلوب لأغلب الوظائف اللي إليها علاقة بالحسابات
أني تخصصي أعمال مصرفية ومالية .. معظم المقررات اللي تاخذونها احنا ناخذها .. واللي اسمع عنه ان المقررات التخصصية اللي ياخذونها طلبة المحاسبة صعبة ..
أصلا ما كوا شي سهل .. ولا في اعتماد على الدكاترة ,, اجتهد على نفسك .. وراح توصل لهدفك:wep:
اتمنى إني فدتك في شي :wep:
ويمكنك الإطلاع على الخطة الدراسية للتخصص من خلال هذه الوصلة
الخطة الدراسية (http://www.uob.bh/colleges/business/AccDepartment/accounting-plan.htm)
العدل السماوي
19-01-2005, 12:17
شكرا جزلا خصوصا للأختين ايات والملكة بلقيس
:wef:
بحرانية قح
19-01-2005, 12:55
السلام عليكم ورحمة الله وبركاته,..
أخوي العدل السماوي
شفت العنوان وحبيت إني أشارك في هالموضوع، خصوصاً وغني طالبة أكونت وبتخرج الكورس الياي يعني عندي خبرة..
اول شي لا تخاف من كونك علمي لأن معظم اللي واصلوا معانا هم طلبة علمي وأني وحدة منهم.
ثانياً: التخصص فيه نوعيتين من المواد مواد حفظ ( management, marketing ) ومواد فهم (accounting, economics, finance, math , QM)، مادري شنو بالنسبة إليك، بس بالنسبة اللي مواد الفهم أسهل من مواد الحفظ.
المواد الصعبة هي:
econ 140 Microeconomics
mgt 238 Commercial Law
mgt230 Oraganization & Management
Acc 231 Auditing I
هذا في الدبلوم
أما في البي أس فمعظم المواد صعبة خصوصا
ِAcc 310 Intermediate Accounting II
Acc 451 Accounting systems & controls
Acc 341 Govermental accounting
Fin 320 Financial mgt II
Fin 323 Commercial Banking
اما أسهل المواد
Maths 103
QM 250
Econ 141
Mgt 131
ً Acc 221
Acc112
أفضل الدكاترة: معظم الدكاترة مو زينين
يقولون أمال عبد الوكيل زينة بس اني ما جربتها، عمر الجهماني بعد زين
اما أخس الدكاترة فهم:
حارس العاني، صايل رمضان
بالنسبة للشغل، معظم الشركات تحتاج حق محاسبين، ممكن بعد تشتغل مدقق وفي شركات متخصصة في مجال التدقيق، بس هالشركات ما تأخذ إلا المعدلات العالية، يعني فوق 3.00 .
تقدر يعد تشتغل في بنك أو وزارة. تخصص المحاسبة مطلوب جداً..
هذا اللي عندي إذا عندك اي إستفسار إحنا حاضرين,..
العدل السماوي
29-01-2005, 19:32
شكرا جزيلا اختي بحرانية قح على افادتنا بما لديك
بوركت
بحرانية قح
29-01-2005, 22:14
العفو أخوي العدل السماوي وإذا إحتجت أي شي إحنا حاضرين..