View Full Version : من اول كورس .. طفح الكيل ..
السلام عليكم ورحمة الله وبركاته ..
اني اول فصل .. اورينتيشن .. في جامعة البحرين :wen:
بصراحة طفح الكيل عندي على هالجدول ماساة اوقات المحاضرات زفت زفت :wen:
تخيلو كل يوم من السبت الى الاربعاء اخلص الساعة 5 الا 10
وقت الاذان .. حتى لو في احد بجي لي ما بجي لان وقت اذان وصلاة ..
وفي هالباصات نرجع من الصخير للمدينة ومن المدينة لمناطقنه .. يعني متى نوصل البيت .. مو حالة والله .. :wen:
وغير هاذا ..
يوم الاحد والاثنين والثلاثاء .. عندي محاضرة الساعة 8 الصبح لـ 9 وربع ومحاضرة الساعة 4 لـ 5 الا 10 .. يعني في ذمتكم ثلاث ايام جدي ..
ويش اسوي وقت الفراغ بين المحاضرتين .. 7 ساعات جدي ضايعين .. ملل وضيقة خلق ..
ولو كل هالوقت على شي يسوى ما على .. غير الا اورينتيشن .. اشياء بايخة وسهلة .. ما تسوى اضيع كل هالوقت علشانها ..
كل ما اقول ماباقي شي واخلص وافتك بصبر ماني قادرة اتحمل ..
:wen:
صراحة ليش هالجامعة تسوي فينه جدي .. حرام والله :wen:
هاذا اني ماخذه صباحي وارجع البيت 6 كل يوم ..
لو ماخذه مسائي .. :weh: .. صراحة مو حااااااالة ..
ومدام عاطينه جدي جدول زفت ونخلص الساعة 5 الا 10 ليش ما يخلون لينه باصات هالوقت سيدة لمناطقنه .. :weh:
من اول فصل جدي باطين جبدنه .. الله يعين من الجاي .. :wen:
ماتسوى علينه هالدراسة .. :wen:
سامحوني عورت راسكم .. بس شسوي من القهر كتبت وقلت .. :wen:
تحياتي ,,
غصن الزيتون
04-12-2003, 16:10
هذا اول كورس وجديه ...الله يعين في الجايات ..
الاورينتيشن ولا شئ ترى امام الفصول القادمة ؟؟؟!!!
يامى راح تمرون بتجارب هي اشد وطأة من هذه التجربة ...
حرية تائهة
04-12-2003, 18:23
أني ويش اقول :wen:اللي مخلصة HND من معهد البحرين بإمكاني اخذ درجة الماجستير من بعض الجامعات الأجنبية لو ما اسعارها مولعة نار، ويوم قدمت في جامعة البحرين عطوني دراسة بكالوريوس انجليزي وقدمت امتحان تافه للاعفاء من الأورينتيشن في الانجليزي ومتأكدة مسوية فيه زين لتفاهته، في النهاية يخلوني ادرس اورينتيشن مستوى ثالث ابتدائي حتى صف رابع ابتدائي احسن مني، إذا يقيمون مستواي بمستوى ثالث ابتدائي يعني اني ما ادري شلون خلصت HND، تصوروا يعلمونا what Is ur name و how old are you ومتى انحط a و an بس شي واحد نسوا يعلمونا إياه وهو الحروف الإنجليزية:wek:. صدق ما يسوى انضيع وقتنا على شي تافه ما نستفيد منه.
يالله ما باقي إلا شهر وشوي ويخلص الكورس تحمليهم.
غصن الزيتون ,,
حرية تائهة ,,
شكرا على الرد .. :wep:
وما اقول غير الشكوى لله .. :wen:
تحياتي ,,
&*حسين الصافي*&
09-12-2003, 19:30
بسمه تعالى
مو بس انتين أنا بعد
وأبوي يقول ماليك إلا الصبر
بلاوي جدول كجرة ودكاترة أكجر ميحالة هاادي :wee:
السلام عليكم
اني ما ادخل منتديات ومو مسجلة في المنتدى بس داخلة من اسم اختى الى اهي dark اشوفها كلا تتكلم عن المنتدى المهم من شفت الموضوع قلت لازم ارد لان هذي حالتي بعد بس الحمدلله اني بس عندي smwيعني عندي راحة يوميين افتك من الجامعه شوي اني من قبل ما ادخل الجامعه كنت منحبطة من الي اسمعا يوم دخلت زاد احباطي واللة يغربلهم انشاء على هالموقع مسوينها لينا في اخر الدنيا كل يوم ما نوصل البيت الا تعبانين يعني ما في شي عدل بالمرة
لكن شنسوي ما نقول الى الله يساعدنا
عاشقة الذكرى
11-12-2003, 12:39
كلنا في الهوى سوى يا فاتي :eww:
خليها على الله ...
حارسي لما اطلع السيارة <<< :weq:
باصير نقل عام لش وراح اغديش بره الجامعه بعد :wef:<<< بفكش شوي من الكشري والمعكرونه .
سحر الابتسامة
12-12-2003, 06:40
الشكوى لله:wen:...
الله يستر اذا احنا رحنا شنو بيسوون فينا:wes:
الله يساعدكم كلكم .. :wen:
الشكوى لله .. :wen:
عاشقة الذكرى .. لا اطالعين فوق واجد لا تنكسر رقبتش :whi1:
الله يساعدش بس هذي الجامعه يعني لازم تتعودين ثانيا بعدين بإمكانش ترتبين لش جدول بنفسش هذا هذا يمكن يخفف شوي :whi1: أنا صراحه هالكورس عندي من الساعه 8 إلى الساعه 3:30 العصر لكن ما في فراغ محاضره ورى محاضره :wer:
البروفسور
12-12-2003, 22:47
الله يعينكم:weu:
احنا بعد كنا نفسكم في البداية
بس بعدين قمنا نرتب جدولنا و نخلي المحاضرات ورى بعض:eww:
أما الباصات
انا اعتقد انه مستحيل يتغير نظامهم :weq:
مسامحة على التاخير :wek:
يالله الله كريم كلها 3 اسابيع ونفتك ... :eww:
عاشقة أهل البيت
17-12-2003, 18:40
السلام عليكم...
يعني جدولي نعمه بالنسبة ليكم..
في SMW عندي من 9-12
و UT من 4-5:weu:
محب الخامنئي متأكد كل ايام الاسبوع شدي :wee:
ابو محمد 4
17-12-2003, 19:02
ولكن اخبرونى ماهو البديل وانا سوف اقول لكم ؟
يقولون ماذا صبّرك على المرّ . قال الذى امّر منه ؟؟
مع تحياتى ؟
عاشقة أهل البيت .. نعمة الا بس :wen:
ابو محمد 4 .. ويش بيدنه .. حجينه واجد وقلنه واجد وغيرنه من قبل بعد حجى .. لكن .. لا حياة لمن تنادي .. :wen:
الله كريم .. نتوكل على الله .. وتعبة مخلوفة ان شاء الله :wep:
ابو منتظر
26-12-2003, 00:13
اختي العزيزة ..
ما اقدر اقول الا .. الله ايساعد قلبش ..
الله يساعدش ان شاء الله
بس اقول الش شي واحد لا تستخفين بالماده مهما كانت بالنسبة الش سهله لان الواحد بعض الاحيان يستسهل بالشي وبعدين تروح عليه
درسي عدل وبالتوفيق ان شاء الله
:)
ابو منتظر .. يساعد الجميع ان شاء الله :wep:
صح كلامش يا زينبية .. والتوفيق للجميع :wem:
تحياتي ,,
حلوة البحرين
24-01-2004, 01:34
الله يساعدنا كلنا شكلهم ما يبوننا ندش الجامعة من الأساس مخلينها في اخر الدنيا ومشكلة المواصلات ليش ما سووها في المنامة العاصمة والله أحسن لكن شنقول:as:
السلام عليكم :wep:
:weu: هذا انتون توكم اورينتيشن وتشتكون جدي عجل احنا شنقوول ثلاث سنين في الجامعة وكل كورس امر من الثاني
تصدقون في ايام الحذف والاضافة تتعب اعصابي لدرجة اني اروح الجامعة وبعدي تعبانة منايام الحذف والاضافة .
وانا للحين احاول في هالجدول انجان يستوي ومو محصلة مواد :wen:
لكن تدرون اهم شي العزيمة اذا كانت عندش عزيمة وارادة قوية وخليتين هدفش الاساسي طلب العلم راح تتغلبين على التعب والمعاناة لاني مجربة هالشي صار لي ثلاث كورسات ورا بعض وكل يوم فيهم روحة ورجعة من الصخير الى المدينة والكل مستغرب ويقولون شلون تقدريتن تتحملين وكنت اقول لهم _كل شي يهون في سبيل العلم _ صدقوني اذا خليتون هالكلمة في بالكم راح تهون عليكم اشياء واجد :wem:
ياالله الله كريم ان شاء الله تتعوض هالايام وحتى اذا ما استفدنا شي وراء هالدراسة في الدنيا الله بجازينا في الاخرة :wep:
شكرا للجميع على الردوود ..
وصح كلامش يا لآلئ ... :eww:
والله ييسر ويوفق الجميع يااارب ... :wep: