يا البحرينيين يا النشامى (حول جامعات البحرين)

[1379]

السلااام عليكم يا شعب البحرين الشقيق :wem: ..

شحوالكم شعلومكم..؟

انا اختي سعوديه << اجل انت وشو :wet:؟

التخصص الي تبيه هو (كمبيوتر - تصميم و جرافيكس)

مو موجود عندنا .. موجود كمبيوتر بس ما تعجبها الدراسه النظريه الّي عندنا http://bahrain2day.com/forums/style_emoticons/emoticons/dde20.gif

عشان جذي فكرت تجي البحرين ..لأن اظن هالتخصص موجود عندكم ..

فـ لو سمحتو تعطوني قائمه بالجامعات الي عندكم ..

و الي تقبل الي مو بحرينيين ..

و التكاليف الي تاخذها ..

و التخصصات الّي فيها الّي تدور حول الحاسب و البرمجه و التصميم ..

يعطيكم ألف عافيه :weo: (F) ..،

و ان شاء الله أنفعكم متى ما تبوني اذا ساعدتوني ..

[عصفووورة]

كل جامعات البحرين تقريبا فيها علوم الحاسوب واللي يشمل البرمجة ..
وهندسة الحاسوب ..

بس نصيحتي طبعاً جامعتي جامعة البحرين .. إذا تبي تتخرج وهي مناضلة ومجاهدة في سبيل الله فخلها تدخل جامعة البحرين :wek:

طبعا رسوم جامعة البحرين رخيصة جداً وتعتبر رمزية .. 8 دينار للساعة الواحدة :wet:


التصميم الجرافيكي والملتيميديا ما ادري عن كل الجامعات بس اللي اعرفها كلية البحرين الجامعية ..
اسعار المواد طبعاً هي تعتبر من أغلى الجامعات ..

جم بالضبط ما ادري بس مو أقل من 400 دينار للمادة :wet:




والله يوفق اختك السعودية :1:

[m7md]

كلية البحرين الجامعية .. صحيح غالية .. لكن مخرجاتها مو داك الزود :-[

واختك ما بتحس بالغربة فيها .. سعوديين واجدن :D

لكن ارد اقول .. الدراسة والجو الدراسي بشكل عام مو داك الزود .. وواجد في ملهيات .. السينما قريب :1:

عجل ليش كنسلت بعثتي .. آآخ :hun:


اذا تبي جامعة خاصة حق تخصصات الكومبيوتر .. انصحك بالأهلية .. منعوتة :1: .. لكن مادري شلون النظام والدراسة مناك :wer:

[1379]

بس نصيحتي طبعاً جامعتي جامعة البحرين .. إذا تبي تتخرج وهي مناضلة ومجاهدة في سبيل الله فخلها تدخل جامعة البحرين
يعني من صعوبتها ولا وشووو :wet:..؟

طبعا رسوم جامعة البحرين رخيصة جداً وتعتبر رمزية .. 8 دينار للساعة الواحدة
للساعه ولا للماده قصدك :wes:..؟

التصميم الجرافيكي والملتيميديا ما ادري عن كل الجامعات بس اللي اعرفها كلية البحرين الجامعية ..
اسعار المواد طبعاً هي تعتبر من أغلى الجامعات ..

جم بالضبط ما ادري بس مو أقل من 400 دينار للمادة

:doh:

دينار =10 ريال

الله يساعد ابوووي :doh:

على كل حال ..

مشكووره يا عصفوووره ما قصرتِ الله لا يقصر في عمرج ..

----------

اذا تبي جامعة خاصة حق تخصصات الكومبيوتر .. انصحك بالأهلية .. منعوتة .. لكن مادري شلون النظام والدراسة مناك

قصدك الأهليه الّي هي الملكيه ولا أي جامعه اهليه في البحرين ..؟

مشكووور :wep:

..

[Fatema 90]

السلام عليكم..

جامعة البحرين، كأنه انتهى التسجيل من 30/ 6

بالنسبة للتخصص المذكور يوجد في الجامعة الأهلية أما بالنسبة للتكاليف..
مواد سنة أولى: 100 دينار للساعة المعتمدة الواحدة
مواد سنة ثانية: 110 دينار للساعة المعتمدة الواحدة
مواد سنة ثالثة: 120 دينارا للساعة المعتمدة الواحدة
مواد سنة رابعة: 130 دينارا للساعة المعتمدة الواحدة

موقع الجامعة: في الطابق الأول من مجمع التأمينات التجاري.

الاشياء المطلوبة للتسجيل هي: استمارة التحاق كاملة البيانات.
أربعة صور بحجم صور جواز السفر.
نسخة من جواز السفر و البطاقة السكانية.
نسخة معتمدة من شهادة الثانوية العامة.
نسخة رسمية من نتائج الثلاث سنوات للثانوية العامة.
نتائج لشهادة TOFEL/SAT/IELTS إن وجد.
رسم تقديم طلب غير قابل للاسترجاع بقيمة 20 دينار للطالب الغير متخرج و 40 دينار لطلبة البرامج العليا.

على نهاية هذا الشهر ينتهي التسجيل (شهر يوليو 7)

يوجد التخصص أيضاً في جامعة AMA
رسوم الطلب: 25 دينار
رسوم التسجيل: 150 دينار
وقيمة الساعة الواحدة 50 دينار.

يوجد تخصص تقنيات المعلومات والحاسوب أيضاً في الجامعة العربية المفتوحة.
50 دولار للساعة المعتمدة الواحدة.
ونهاية التسجيل شهر 8 أغسطس.

بعد في جامعة العلوم التطبيقية.
بالنسبة للرسوم الدراسية..
90 دينار لكل ساعة معتمدة.
10 دينار رسوم طلب الالتحاق
100 دينار رسوم تسجيل لمرة واحدة
100 دينار رسوم مختبرات فصلية
5 دينار لفحص المستوى في الحاسوب
5 دينار لفحص المستوى في اللغة الانجليزية.

الأوراق المطلوبة للتسجيل: شهادة الثانوية العامة وكشف العلامات الأصلي لامتحان شهادة الدراسة الثانوية العامة أو ما يعادلها مصدقاً حسب الأصول.
صورة من جواز السفر، وصورة من تأشيرة الإقامة لغير مواطني دول مجلس التعاون.
شهادة حسن السلوك في المدرسة.
شهادة اللياقة الصحية.
خمس صور شخصية ملونه وحديثة

أيضاً في الكلية الجامعية ( شهادتها بالتعاون ما كندا)
شروط القبول
شهادة الثانوية العامة.
اجتياز امتحان TOFEL في اللغة الإنجليزية بدرجة لا تقل عن 500 أو التسجيل في البرنامج التمهيدي للجامعة واجتياز امتحان (Entrance English Exam EEE).

الرسوم الدراسية: رسوم طلب 20 دينار.
رسوم القبول 300 دينار
رسوم الدراسة للفصل 1900 دينار.

التسجيل مفتوح طول السنة.

الجامعة الخليجية..
فيه 3 امتحانات لتحديد المستوى: الرياضيات والحاسوب واللغة الانجليزية وعربي للي يبون يدرسون بالعربي.
الرسوم 100 دينار للساعة المعتمدة الواحدة.
ورسوم السكن(اختياري) 1000 دينار :wek:
فيه مميزة أن في مواصلات لطلبة المنطقة الشرقية.

بعد جامعة المملكة..
رسوم الطلب : 25 دينار
رسوم تحديد مستوى لغة انجليزية 20 دينار
رسوم برنامج تمهيدي للغة الانجليزية في حال لم يتم اجتياز الامتحان تحديد المستوى :600 دينار
المقرر الواحد بـ 330 دينار

التخصص موجود بعد في جامعة نيويورك..
نظامها أن الدراسة 4 فصول في السنة ومدة كل فصل 10 أسابيع

شروط الالتحاق:
شهادة الثانوية العامة وتقديم شهادة مصدقة من وزارة التربية والتعليم أو الدبلوما الأمريكية SAT
اجتياز امتحان التوفل بمعدل 550 درجة أو أن يقدم لامتحان ELI

رسوم تقديم الطلب 37 دينار
الرسوم الدراسية 387 دينار

بعد لو بس؟
المهم فيه جامعات ثانية بعد مثل جامعة دلمون ، والجامعة الملكية للبنات ، وجامعة بنتلي..

برجع بعد شوي بكتب عنهم.
:wet:

بالتوفيق لكم.

[Fatema 90]

مرحباً مجدداً..

الجامعة الملكية للبنات..

من الشروط ان شهادة الثانوية لا تقل عن 80
والرياضيات الدرجات ما تقل عن 80 واللغة الانجليزية مثل الشي ما تقل عن 80
رسم الطلب 25 د.ب. تقييم ودراسة إستمارة الطلب والمستندات الثبوتية 35
رسم تأكيد التسجيل 10% من رسوم الدراسة الأساسية تأكيد قبول العرض وحجز مقعد وإختيار مقررات التقوية والتسجيل يستوفي مقابل التعليم الكامل؛ لا يسترد
رسم التخرج 50 د.ب. حفل التخرج يستوفى في نهاية الفصل الأول للسنة النهائية؛ لا يسترد
السكن الداخلي
*ايجار غرفة سكنية مفردة (للغرفة فقط) 1500 دينار
*ايجار غرفة سكنية مزدوجة (للغرفة فقط) 1000 دينار

والساعة الواحدة بـ300 دينار

:wes:
نهاية شهر سبعة (يوليو) ينتهي التسجيل

جامعة بنتلي
الرسوم الدراسية:
تكلفة الدراسة سنويا 30000 دولار.
تكلفة الكتب الدراسية لكل فصل 1200 دولار + تذكرة السفر لأمريكا 1000 دولار.

التسجيل من شهر يوليو لأغسطس (من 7 إلى 8)

جامعة دلمون ..التخصص موجود بعد
300 دينار للساعة الواحدة
تقريباً طول السنة بتكون تكلفة الدراسة 2000 دينار..

تخصصات الحاسوب موجودة في جميع جامعات البحرين.
حاليا فاتحين كلية جديدة اسمها : البولتكنك أو كلية البحرين التقنية
ولأن مدعومة من الحكومة فالدراسة طول السنة بـ120 دينار
ولكن انتهى التسجيل وسووا اختبار القبول ودخلوا مقابلة ويه الطلبة..

:wep:
موفقين

[زرقاء_اليمامة]

أنا أدرس في الجامعة الأهلية ،

بالنسبة للتخصص الموجود والذي يتعلق بالتصميم والخ ،، فهو :
Bachelor's Degree in Distributed Systems & Multimedia (BSDSM) (http://ahliauniversity.edu.bh/bsmdt.html)

التكاليف :
- في السنة الأولى 300 لكل مادة ، وتزداد 10 في كل سنة إضافية ، بمعنى مواد السنة الثانية 310 والثالثة 320 والرابعة 330 وهكذا !

بغض النظر عن التكاليف الأخرى المتعلقة بالقبول والاستمارة وغيره ..

الدراسة طبعاً باللغة الأنجليزية ، ويجدر الإشارة إلى أن الجامعة الأهلية تُعتبر من أقوى وأفضل الجامعات الخصة في البحرين ـ وشهادتها قوية جداً ..

هذا هو موقع الجامعة :

http://ahliauniversity.edu.bh/academic.htm (http://ahliauniversity.edu.bh/academic.htm)

وحاضرين لأي استفسار ..

دُمتم بودّ .!.

[1379]

فاطمه ..

مشكوووره جدا ً جدا ً جدا ً ..نفعتني حيل هالمعلومااات :hui:

ياااا ربي يحقق لج مرااادج بحق هالليله يا رب :bnh:

---

زرقاء اليمامه ..

مشكووره ع تعريفك بـ جامعتك ..

بس سؤالي ايش المواد الي تاخذونها بالضبط ..؟

و لأن اختي تحب التصاميم و الفوتوشوب و الفلاش و هالبرامج

انتو شلون دراستكم يعني و تستعملون هالبرامج ولا .؟

و بعد هالجامعه مختلطه ولا .؟و كم سنه الدراسه .؟

السموحه ع الاسئله الواااجد :wek:

"

مشكووورين يا البحرينييين صج انكم خوش اوادم ..

[Fatema 90]

مرحباً.

الاسئلة موجهةة لأختي زرقاء اليمامة ولكن اسمح لي أن اجيبك على هذا الشق من السؤال..

و بعد هالجامعه مختلطه ولا .؟و كم سنه الدراسه .؟
مختلطة الجامعات وكل الجامعات في البحرين مختلطة عدا الجامعة الملكية للبنات..
سنة الدراسة 4 سنوات (بكالوريوس) لكن بعض الجامعات تفترض اجتياز امتحان الللغة الانجليزية، فإذا لم يتم الاجتياز تضاف سنة تمهيدي..

:wep:
الله يوفقكم..

[1379]

فاطمه ..

شكرا ً ع الاجابه .. يوووه مختلطه الجامعه الله يساعد اختي :wek:

و اختبار الانجليزي هو التوفل صح ..؟

بس اذا ما نجحت و ضافوا لها سنه تمهيدي

احس بتتأخر او شي .. مو ..؟ :wet: كأنها راسبه

[[ غيمة ]]

لا مو التووفل !!
اختبار تحديد مستوى في الانجليزي ...

[Fatema 90]

أهلا واحد ثلاثة سبعة تسعة

:whi1:
ما اعتقد أن الاختلاط مشكلة إذا كانت ماشية في حال سبيلها وحتى لو احتكت بيكون في نطاق الدراسة..
أما بالنسبة للتوفل مو كل الجامعات تشترط توفل، يعني احيانا يكون الاختبار من اعداد الجامعة وقواعد بس.. أو ريدنغ، اشياء سهلة..

إذا كان على اللغة يمكن تشوف صعوبة أول سنة بس بعدين بمرور المصطلحات بتتعود وبيصير سهل.

بالنسبة أن هي تتأخر..
ما تتأخر، فيه واجد طلبة ياخذون التمهيدي، وإذا أخذته تقدر تتدارك بان تاخذ صيفي وتتخرج ويه طلبة دفعتها..

:wep:

[زرقاء_اليمامة]

زرقاء اليمامه ..

مشكووره ع تعريفك بـ جامعتك ..

بس سؤالي ايش المواد الي تاخذونها بالضبط ..؟

و لأن اختي تحب التصاميم و الفوتوشوب و الفلاش و هالبرامج

انتو شلون دراستكم يعني و تستعملون هالبرامج ولا .؟

و بعد هالجامعه مختلطه ولا .؟و كم سنه الدراسه .؟

دراستي تختلف عما تريد السؤال عنه أستاذي ، ولذلك لستُ مؤهلةً للإجابة عن التخصص المذكور غير أنه يمتد لأربع سنوات وهو ما موضح في الموقع حيث توجد صفحة مخصصة للخطة الدراسية التابعة للتخصص ..

طبعاً الجامعة مختلطة كما ذكرت أختي فاطمة ، وهو أمرٌ اعتدناه وتأقلمنا معه ..

أتمنى أني قد افدتك ولو بالجزء اليسير ، وبإمكانك الرجوع للموقع للحصول على معلومات تفصيلية للتخصص ، ولكنا حاضرين للإجابة على أي استفسار :wep:

دُمتم بودّ .!.

[1379]

السلام عليكم ..

انا الاخت السعووديه :wek: :1:

سجلت بإسم (ليآلي) عشان انا اتكلم معاكم سيدا بدال

ما يتكلم عني اخووي بضمير الغاائب

بس مسجله انا من كم يوم و ما تفعّل اشتراكي لذلك دخلت بإسم اخووي :wem:


اممم سؤآلي الحين وش الجامعه الي تنصحوون فيها و ما تكون غاليه

و فيها تخصص حاسب / تصميم و جرافيكس .. .!؟

و لو بدخل علوم حاسب زين بعد ..؟ ولا أصعب من التصميم ..؟

و بعد يصير ادخل اعلام و بعدها تخصص ملتميديا :wem:..!؟ لأني ابي اي

تخصص نستعمل فيه الكمبيوتر :ser:

في ناس نصحوني في دلموون بس الدراسه فيها عربيه :wet:

و المملكه اظن قالوا لي موب معترف فيها :wet:

و الملكيه للبنات رسومها حدث و لا حرج :eww:

والله مادري آخر شي وين بروح :wes:

مشكوين ،،،،

[Fatema 90]

مرحباً..

أهلا بكِ أختي مجدداً..
علوم حاسوب تخصص غير سهل ويحتاج إلى متابعة دائمة، أما بالنسبة لتخصص التصميم والجرافيك يعتمد على التقييم في البحرين..ولكن أهم شيء هو الميول حتى تصبحين قادرة على التكيف والابداع في الدراسة والعمل..

بالنسبة لتخصص الوسائط المتعددة (الملتميديا) في جامعة البحرين تدرسين اعلام سنة أولى ثم تتخصصين إلى التخصص المرغوب فيه من التخصصات المطروحة هي الملتميديا، ولكن في جامعات أخرى مثل الجامعة الاهلية عندها تخصص مطروح لوحده هو الوسائط المتعددة..

الجامعة الاهلية هي أقوى جامعة خاصة في البحرين طبعاً بعد الايرلندية والخليج (جامعات تدرس الطب)
بالنسبة لجامعة دلمون، الدراسة عربية في المواد التي تستلزم العربية ولكن ليس في الحاسوب أو التصميم ( المصطلحات أغلبها لغة انجليزية فشيء طبيعي تكون الدراسة في هالتخصص بالانجليزي)
مثل ادارة الاعمال يدرس بالعربي ولكن تخصص المحاسبة باللغة الانجليزية،،
لجامعة دلمون فروع أيضاً بعضها تعتمد اللغة الانجليزية في التدريس وبعضها العربية..
بشكل عام جامعة دلمون جيدة جداً في التدريس والاسعار..

بالتوفيـق لكِ
:wep:

[Fatema 90]

بالمناسبة الأخت عصفووورة تستطيع إفادتكِ في مجال علوم الحاسوب لأنها تدرس التخصص في جامعة البحرين..

:wem:

[[ غيمة ]]

و المملكه اظن قالوا لي موب معترف فيها
امبلا معترف فيها ... كل جامعات البحرين الخاصة احين صار معترف فيها

في عندش بعد جامعة العلوم التطبيقية ... جامعة ممتازة وفيها التخصصات اللي تبحثين عنها
جامعة AMA في الآي تي واجد تمام ... وأوضاعهم الدراسية واجد تحسنت عن قبل ...

وعلى فكرة اوضاع الجامعات الخاصة اليوم اختلفت عن قبل بواجد ... مانقدر نقيم الجامعات الخاصة على أساس أحكام قديمة ...

[غياث]

فاطمة :
جامعة دلمون ..التخصص موجود بعد
300 دينار للساعة الواحدة
تقريباً طول السنة بتكون تكلفة الدراسة 2000 دينار..
غلطانه في الاسعار الساعة
جامعتنا تعتمد على المادة والمادة بنسبة لكلية التابعة لجامعة العربية 120 دينار
وجامعة التابعة لجامعة اليرموك 140 صباحي 180 مسائي

بنسبة لعربية التدريس
اليرموك قاعدة تدرس طلبتها الحين بلانجليزي في المواد لي تتطلب الدراسة بلانجليزي
العربية لازالت بالعربي

اختي !صمت! تدرس في جامعة دلمون .. حاسوب
ان شاء الله تشوف الموضوع وتفيدش

[1379]

امممم ..

احس كلامكم شجّعني ع جامعه دلمون:wem:

اما ama و العلوم التطبيقية بعد زينين بس بتأكد من رسومها :wek:

مشكورين و مُثابين يا البحارنة :weo: ،،،،

[Fatema 90]

الأخت غياث على ما اعتقد تدرس في جامعة دلمون بعد..
يعني اي استفسار عن الجامعة اعتقد بتفيدش واجد..

:wet: بالتوفيق

[1379]

الأخت غياث على ما اعتقد تدرس في جامعة دلمون بعد..
يعني اي استفسار عن الجامعة اعتقد بتفيدش واجد..

:wet: بالتوفيق

ودي في احد في العلوم التطبيقيه او دلمون و داخل

نفس التخصص الي ابيه (تصميم جرافيكي)

عشان يفيدني :wet: ادري اني متشرطه واجد و تعبتكم حيل بس

هذا مستقبل :wer:

يسلم راسك فاطمه و عافاكم الله ،،،

[ليآلي]

اخيــــــــــــــرا ً:tongueii:


.
.

[[ غيمة ]]

مبروووك تفعيل العضوية ليآلي :1: وهلا فيش في منتديات البحرين ...

ماعتقد فيه احد اهني يدرس تصميم جرافيكي في العلوم التطبيقية او دلمون
بس اعرف وحدة تدرس هالتخصص بس في اليرموك - الأردن .... تقول انه التخصص مو كله بالكمبيوتر ومعظم المقررات رسم واشغال بالطريقة التلقليدية ... :wek:

[ليآلي]

الله يحييج يا [ غيمــه ]


:doh: ان شاء الله هالشي في الأردن بس ..

ولا انا حاطه طموحااات و آمال في هالتخصص اني بكون دايم ع الكمبيوتر :hui:

[Fatema 90]

صديقتي تدرس هذا التخصص، جرافيك ديزاين، نصف الشغل تصميم على البرامج والنصف الآخر دمج بين المعطيات التقنية واليدوية..

تخصص رائع ولكن متعب..
:wem::wem:

[ليآلي]

انا احب الرســم و التلويـن على أية حــال:sle:

ان شـاء الله أفلـح فيه :wem:

نســألكم الدعــآء ،،،،

[AnGeL **EyEs]

اني ادرس في الاهلية بس مو من صوب الايتي فمااقدر افيدج عن هالتخصص بس اذا عندش سؤال عن الجامعة ونظامها والاسعار اني حاضرة وبالتوفيق